மக்கள் முரசு, தமிழ் செய்திகள், சென்னை செய்திகள், இந்திய செய்திகள், இலங்கை செய்தகள், அரசியல், வர்�

சென்னை, பிப்.6 கடும் வேகத்தில் அதிகரித்து வந்த தங்கம் விலை நேற்று (பிப்.5) ஒரே நாளில் பவுனுக்கு ரூ.424 குறைந்தது. ஒரு பவுன் ரூ.12 ஆயிரத்து 8 ரூபாய்க்கு விற்பனை செய்யப்பட்டது. `ஜெட்' வேகத்தில் அதிகரித்து வந்த தங்கத்தின் விலை, தற்போது வீழ்ச்சி அடைந்து வருவது நகை பிரியர்கள் மத்தியில் மகிழ்ச்சியை ஏற்படுத்தி உள்ளது.

தங்கத்தின் விலை கடந்த சில மாதங்களாக `புயல்' வேகத்தில் அதிகரித்து வந்தது. காலையில் குறைந்த அளவில் விலை உயரும் தங்கம், மாலையில் அதிக அளவில் உயர்ந்து வருவது அன்றாட கதையாக இருந்து வந்தது.

தற்போது, 4 நாட்களாக தங்கத்தின் விலை குறைய தொடங்கியுள்ளது. நேற்று முன்தினம் ஒரு கிராம் ரூ.1,554-க்கும், பவுன் 12 ஆயிரத்து 432-க்கும் விற்பனை ஆனது. இந்த நிலையில் நேற்று தங்கத்தின் விலை மேலும் வீழ்ச்சி அடைந்தது.

அதாவது, ஒரு கிராம் ரூ.1,501-க்கும், ஒரு பவுன் 12 ஆயிரத்து 8 ரூபாய்க்கும் விற்பனை செய்யப்பட்டது. ஒரே நாளில் மட்டும் பவுனுக்கு ரூ.424 ரூபாய் குறைந்து உள்ளது. கடந்த 4 நாட்களில் மட்டும் பவுனுக்கு 804 ரூபாய்க்கு மேல் குறைந்துள்ளது என்பது குறிப்பிடத்தக்கது. சமீப காலமாக தங்கத்தின் விலை இந்த அளவுக்கு குறைந்ததே கிடையாது.

இந்த விலை குறைவு சந்தர்ப்பத்தை பயன்படுத்தி, நேற்று நகை கடைகளில் வழக்கத்தை விட அதிகமான கூட்டம் காணப்பட்டது.